Алматыда көшпелі бұлт шығады, жауын-шашынсыз
Синоптиктер 31 қаңтарға арналған ауа райы болжамын ұсынды, деп хабарлайды Almaty-akshamy.kz.
"Қазгидромет" РМК мәліметінше, еліміздің басым бөлігі антициклон сілкінісінің ықпалында болады. Соған байланысты ауа райы негізінен жауын-шашынсыз болады.
Синоптиктердің хабарлауынша, солтүстік циклонның ойпатының әсерінен тек Қазақстанның солтүстігі мен орталығында аздаған қар жауып, бұрқасын болады. Ал республиканың оңтүстігінде атмосфералық фронтальды бөліктердің әсерінен аздап қар жауады деп болжанды, жел күшейіп, тұман, көктайғақ болады.
Астанада көшпелі бұлт шығады, жауын-шашынсыз. Оңтүстіктен екпіні 1-6 м/с жел соғады. Ауа температурасы түнде 25-27, күндіз 11-13 градус аяз.
Алматыда көшпелі бұлт шығады, жауын-шашынсыз. Желдің екпіні 0-5 м/с. Ауа температурасы түнде 4-6 градус аяз, күндіз 2-4 градус жылы.
Шымкентте күн көшпелі бұлтты. Өткінші жауын-шашын (жаңбыр, қар) болады. Түнде тұман. Оңтүстік-шығыстан екпіні 5-10 м/с жел соғады. Ауа температурасы түнде 1 градус аяз-1 градус жылы, күндіз 7-9 градус жылы.