Депутат Асхат Аймағамбетов бұл мәселе Парламенттің емес, Үкіметтің құзыретіндегі шаруа екенін еске салды.
Мәжіліс депутаты Асхат Аймағамбетов журналистердің сұрағына берген жауабында жаңа жыл мерекесінің демалыс күнін 31 желтоқсанға ауыстырудың қаншалықты орынды екені туралы пікір білдірді, деп хабарлайды aqshamnews.kz
"Шынымды айтсам, осы сұрақ мені де мазалайтын. 31 желтоқсан неге демалыс күні емес? 31 желтоқсанда көңіл-күйіміз мүлде басқаша болады. Есімде, оқушы кезімізде де, кейін де осы сұрақты қоятынбыз. Ондай шешім қабылданса, ешкімге жаман болмас еді деп ойлаймын. Шешім қабылданса, толық қолдайтын едім", -деді Асхат Аймағамбетов.
Депутат демалысты ауыстыру туралы шешім сондай қиын емес екенін еске салды.
"Әрбір уәкілетті органның өз құзыреті бар. Бұл мәселе үкіметтің құзырында. Қосымша демалысты ауыстыру туралы шешім қабылданса, онда тұрған не бар", -деді Мәжіліс депутаты.