Түнде және таңертең Жетісу облысының таулы аудандарында тұман түседі
29 қазанда еліміздің үш облысында ауа райының күрт өзгеруіне байланысты ескерту жарияланды. "Қазгидромет" РМК тұман түсіп, көктайғақ болатынын әрі боран соғатынын болжайды, деп хабарлайды Almaty-akshamy.kz.
Түнде және таңертең Батыс Қазақстан облысының солтүстігінде тұман түседі деп күтіледі. Орал қаласында түнде және таңертең тұман түседі.
Түнде Шығыс Қазақстан облысының солтүстігінде, шығысында, оңтүстігінде көктайғақ болады, боран соғады деп болжанады.
Түнде және таңертең Жетісу облысының таулы аудандарында тұман түседі. Алакөл ауданында солтүстік-шығыстан соққан желдің екпіні 17-22 м/с құрайды.
Синоптиктердің болжамынша, Қазақстанның батысында, оңтүстігінде және шығысында 29 қазанда жаңбыр жауады. Еліміздің басым бөлігінде Солтүстік-Батыс антициклонының әсерінен жауын-шашынсыз ауа райы қалыптасады.