"Қазгидромет" РМК баспасөз қызметінің мәлімдеуінше, күздің басында еліміздің басым бөлігінде батыс антициклонының әсерінен ауа райы жауын-шашынсыз болады, деп хабарлайды aqshamnews.kz
Алайда 29 тамызда солтүстік-батыс циклонының ойпатының өтуіне байланысты елдің солтүстік, орталық және шығыс аймақтарында ауа райының тұрақсыз сипаты болжанады.
Ал, 30 тамызда тұрақсыз ауа райы Қазақстанның оңтүстік-шығысын да қамтиды.
"Жаңбыр, найзағай күтіледі, 30 тамызда елдің солтүстігінде, шығысында және орталығында бұршақ пен екпінді желмен бірге қатты жаңбыр болжанады", делінген "Қазгидромет" РМК хабарламасында.
Сондай-ақ, синоптиктер республика бойынша желдің күшеюі, батыста, солтүстікте, солтүстік-батыста түнде және таңертең тұман күтілетіндігін де атап өтті.
Аймақтар бойынша температуралық фон келесідей болады.
Батыста ауа температурасы +20…+31°С шегінде,
оңтүстік-батыста +27…+35°С.
Ауаның төмендеуі күтіледі:
Қазақстанның солтүстік-батысында +23…+33°С-тан +15…+23°С-қа дейін,
солтүстік облыстарда қатты ыстық +30…+35°С-тан +15…+23°С-қа дейін,
елдің орталығында қатты ыстық +30…+37°С-тан +18…+27°С-қа дейін,
Шығыс Қазақстанда +22…+32°С-тан +17…+28°С-қа дейін,
оңтүстік облыстарда қатты ыстық +30…+41°С-тан +26…+35°С-қа дейін төмендейді.
"Оңтүстік-шығыста +33…+38°С қатты ыстық сақталады, таулы аймақтарда +23…+28°С болады",- делінген ақпаратта.