Алты өңірінде тұман түсіп, күн күркірейді
28 сәуірде еліміздің алты облысында қолайсыз ауа райына байланысты ескерту жарияланды, деп хабарлайды Almaty-akshamy.kz "Қазгидромет" РМК баспасөз қызметіне сілтеме жасай отырып.
Түнде және таңертең Маңғыстау облысының батысында, оңтүстігінде тұман түседі деп болжанады. Ақтауда түнде және таңертең тұман болады.
Таңертең және түстен кейін Қостанай облысының солтүстігінде, шығысында найзағай ойнайды деп күтіледі. Облыстың оңтүстігінде тұман болады. Өңірдің солтүстігінде, шығысында оңтүстік-батыстан солтүстік-шығысқа ойыса соққан желдің екпіні 15-20 м/с құрайды.
Жетісу облысының Алакөл ауданында шығыстан соққан желдің екпіні 17-22 м/с, кей тұста 28 м/с дейін жетеді.
Күндіз Солтүстік Қазақстан облысының солтүстігінде, шығысында найзағай ойнайды деп болжанады. Түнде және таңертең облыстың батысында тұман түсуі ықтимал. Түнде облыстың солтүстігінде, батысында оңтүстік-батыстан, батыстан, күндіз облыстың басым бөлігінде 15-20 м/с жылдамдықпен жел соғады, облыстың солтүстігінде, шығысында соққан желдің екпіні 25 м/с құрайды. Петропавлда күндіз оңтүстік-батыстан, батыстан соққан желдің екпіні 15-20 м/с, кей тұста 25 м/с дейін жетеді.
Күндіз Павлодар облысының солтүстігінде оңтүстік-батыстан 15-20 м/с жылдамдықпен жел соғады деп күтіледі.
Күндіз Түркістан облысының тауларында найзағай ойнауы ықтимал. Облыстың таулы аудандарында шығыстан, оңтүстік-шығыстан соққан желдің екпіні 15-20 м/с болады.