Қазақстан 2027 жылы бокстан әлем чемпионатын қабылдайды.
Бұл туралы World Boxing халықаралық федерациясы хабарлады. Еліміз тарихта екінші рет бокстан әлем біріншілігін ұйымдастырғалы отыр, деп хабарлайды aqshamnews.kz 24.kz-ке сілтеме жасап.
Бұған дейін, 2013 жылы Алматыф қаласында өткен еді. Бұл халықаралық жарыс күнтізбесіндегі маңызды оқиға болмақ. Турнир АҚШ-тың Лос-Анджелес қаласында өтетін жазғы Олимпиада ойындары қарсаңында ұйымдастырылады.
Геннадий Головкин, ҰОК президенті, World Boxing олимпиадалық комиссиясының төрағасы:
-2027 жылы Олимпиада алдында өтетін бокстан әлем чемпионатын өткізу Қазақстан үшін үлкен мәртебе, әрі жауапкершілік. Біздің ел ірі халықаралық спорттық жарыстарды жоғары деңгейде өткізуде мол тәжірибеге ие және бұл турнир де сол дәстүрден тыс қалмайтынына сенімдімін. Олимпиада алдындағы бұл чемпионаттың маңыздылығын түсіне отырып, World Boxing ұйымына білдірген сенімі үшін алғысымды айтамын.