Қазақстанда жаңа Салық кодексі қабылданбақ, деп хабарлайды aqshamnews.kz
Қазіргі уақытта құжат Сенатта бірінші оқылымда қаралып жатыр. Егер заң жобасы мақұлданса, 2026 жылдың 1 қаңтарынан бастап жаңа ережелер күшіне енеді.
Ең басты өзгерістер:
— Корпоративтік табыс салығы (КТС) – 20%, банктер үшін – 25%
— Қосылған құн салығы (ҚҚС) – қазіргі 12%-дан 16%-ға дейін өседі
▪️ Дәрі-дәрмек, медициналық бұйымдар мен қызметтер үшін жеңілдетілген мөлшерлеме сақталады:
2026 жылы – 5%, 2027 жылы – 10%.
— ҚҚС тіркеу шегі екі есе төмендейді – 20 000 АЕК-тан 10 000 АЕК-қа дейін (шамамен 78,3 млн тг-ден 39,1 млн теңгеге дейін).
— Жеке табыс салығы (ЖТС) – жылдық табысы 8 500 АЕК-тен (шамамен 33,3 млн теңге) асатын жеке тұлғалар үшін 15% мөлшерінде белгіленеді.
— Акциздер көтеріледі: алкоголь мен темекіге қоса, энергетикалық сусындарға да енгізіледі
— Қымбат мүлікке салынатын салық енгізіледі:
▪️ 75 млн теңгеден қымбат көліктерге – 10% акциз
▪️ 450 млн теңгеден асатын жылжымайтын мүлікке – 2% салық
▪️ Яхталар мен ұшақтарға – 100 млн теңгеден бастап
Салық режимдері қысқарады:
Қазіргі 7 салық тәртібінің орнына 3 ғана қалады:
Өзін-өзі жұмыспен қамтығандар үшін – 4% салық, жылдық табысы 15 млн теңгеден аспауы тиіс. ИП ретінде тіркелу міндетті емес.
Жеңілдетілген декларация – табыс шегі 600 000 АЕК немесе шамамен 2,35 млрд теңге. Салық мөлшері – 4%, бірақ жергілікті мәслихат 2%-дан 6%-ға дейін өзгерте алады.
Шаруа қожалықтары мен фермерлер – бұрынғы тәртіп сақталады, бірақ енді жер салығының орнына ЖТС төленеді.