Америкалық компания өзі салғалы жатқан ғарыштағы қонақүй жайлы жаңа деректерді жариялады.
Калифорниялық The Gateway Foundation компаниясы таныстырған футуристік концепция бірнеше модульден тұрады, олар өзара лифттер шахтасымен байланысқан, олар бәрі жиналып кеп Жердің айналасына шеңберді түзеді, деп хабарлайды Almaty-akshamy.kz
Қазіргі таңда бұл жоба Orbital Assembly Corporation құрылыс компаниясының бақылауында жатыр. Компания ғарыш туристерінің орналасуына арналған бір емес, екі станса салуды жоспарлап отыр: оның біріншісі – 400 адамға арналған Voyager стансасы 2027 жылға қарай ашылса, 28 адамға арналған екінші Pioneer стансасы небәрі үш жылдан кейін пайдалануға берілуі мүмкін.
Жобаның басты мақсаты – кеңселер мен туристік аймақтары бар ғарыштық «бизнес-парк» салу. Бұл кеңістіктер жалға берілетіндіктен, қосымша табыс көзіне де айналуы мүмкін.
Екі стансаның да интерьері Жер бетіндегі зәулім қонақүйлерден аумайды.