Жұмыстар 2024 жылдың соңына дейін аяқталады.
Өткен жылдың соңында қаланың жарық жоқ көшелерінде, оның ішінде Бостандық ауданының 61 көшесінде жарық орнату жұмыстары (751 тірек және 18 км желі орната отырып) басталды, деп хабарлайды Almaty-akshamy.kz
«Қазіргі уақытта Бостандық ауданы бойынша жұмыстар аяқталды. Бұдан басқа, ауданның 42 жарықтандырылмаған көшелерін жарықтандыру үшін жобалау-сметалық құжаттама әзірлеу жоспарланған. Жұмыстарды 2024 жылдың соңына дейін аяқтауды көздеп отырмыз. 2025 жылға қарай ауданда көше жарығымен қамту деңгейі 100% құрайтын болады. Су басу жағдайларына жол бермеу мақсатында осы жылдың соңына дейін 89 көшеде ұзындығы 55,2 км арық желісін реконструкциялау жұмыстарын аяқтауды жоспарлап отырмыз», деді шаһар басшысы бүгінгі жиында.