Қазгидромет мамандарының болжамына сәйкес, 2025 жылдың жазында Қазақстанның оңтүстік-батыс, оңтүстік және орталық аймақтарында құрғақшылықтың болуы ықтимал, деп хабарлайды aqshamnews.kz
Құрғақшылыққа қатысты болжамдар 7 күннен 30 күнге дейінгі мерзімге жасалады. Болжамдар әр айдың басында, яғни:
-
Мамыр айына арналған алғашқы болжам 23 сәуірде;
-
Маусымға арналған болжам 23 мамырда;
-
Шілдеге арналған болжам 23 маусымда жарияланады.
Сонымен қатар, болжамдар нақтылау үшін 5 мамыр, 5 маусым және 5 шілде күндері қайта қаралады. Құрғақшылыққа байланысты дауылды ескерту хабарламалары да шығарылады.
Синоптиктердің айтуынша, 2025 жылдың жазында еліміздің көп бөлігінде орташа ауа температурасы климаттық норма шамасында болады. Алайда кейбір күндерде аптап ыстық болуы ықтимал.
Оңтүстік және оңтүстік-батыс аймақтарда температура +28°C пен +35°C аралығында, ал кей жерлерде +37°C пен +42°C-қа дейін көтерілуі мүмкін.
Әсіресе шілде айында еліміздің оңтүстік және оңтүстік-батыс өңірлерінде ыстық ауа райы күтілуде. Бұл уақытта ұзақ уақытқа созылатын құрғақшылықтың болуы да мүмкін.
Егер сіздің аймағыңызда ұзақ уақыт бойы жаңбыр жаумаса немесе аптап ыстыққа ұшыраса, бұл құрғақшылықтың белгілері болуы мүмкін. Қазгидромет мамандарының болжамына сенсек, 2025 жылдың жазында осы өңірлерде ауа райы қатты ыстық әрі құрғақ болады деп күтілуде.