Бундестаг Олаф Шольцқа сенімсіздік вотумын білдірді
Депутаттардың басым көпшілігі бұл шешімге жеке дауыс беру барысында қолдау көрсетті. Шольцқа сенімсіздік білдіргендердің саны – 394, 207 депутат канцлерді қолдады, ал 116-сы қалыс қалды.
Енді Олаф Шольц Германия президенті Франк-Вальтер Штайнмайерге парламентті тарату туралы ұсыныс енгізуі тиіс. Бұл шешімді қабылдауға Германия президентінің 21 күні бар. Осы аралықта қазіргі үкімет кезектен тыс сайлау өткенге дейін өз жұмысын жалғастыра береді. Сайлау 2025 жылдың 23 ақпанына жоспарланып отыр.
Дауыс беру алдында Христиан-демократиялық одақ (ХДС) жетекшісі Фридрих Мерц Роберт Хабек бастаған «жасылдармен» коалиция құру мүмкіндігін жоққа шығарды. Мерц Хабектің салықтарды көтеру және қайта бөлу саясатын сынға алып, оны «Германиядағы экономикалық дағдарыстың бет-бейнесі» деп атады.