Алматы қаласындағы аккредиттеу департаменті «Ұлттық аккредиттеу орталығы» РМК 2024 жылдың бірінші жартыжылдығында баға беру үшін 225 рет тексеру жүргізді.
Оның 124 — і жоспарлы, ал 101-і өтініш берушілердің орналасқан жері бойынша тексерулер болды. Мұндай деректерді Өңірлік коммуникациялар қызметінің брифингінде Ұлттық аккредиттеу орталығының директоры Ринат Баутов келтірді, деп хабарлайды aqshamnews.kz.
Есептік кезеңде аккредиттеу материалдары бойынша 94 сараптаманы және 123 тексеруді қоса алғанда, 125 өтінім өңделді. 130 инспекциялық тексеру жүргізілді. Өтінімдердің негізгі бөлігі қайта аккредиттеу (53 өтінім) және бастапқы аккредиттеу (46 өтінім) болды, бұл аккредиттеу қызметтеріне деген жоғары сұранысты көрсетеді.
Сонымен қатар, Департамент жұмыс істеп тұрған бағалаушыларды қолдау үшін жас қызметкерлер қатарынан кадрлық резерв құру бойынша белсенді жұмыс істеуде, бұл жүргізілетін бағалаулар мен инспекциялық тексерулердің сапасын арттыруға мүмкіндік береді.