Биыл оқуға тапсыратындар саны былтырғымен салыстырғанда 10 мың адамға көп болмақ.
Оқу-ағарту министрлігінің мәліметіне сүйенсек, жаңа оқу жылында мемлекеттік білім беру тапсырысы бойынша 145 мың абитуриент қабылданады деп жоспарланып отыр, деп хабарлайды Almaty-akshamy.kz
"Мемлекеттік білім беру тапсырысы техникалық, яғни геология, машина құрастыру, энергетика, ІТ, металлургия, көлік және тағы басқа мамандықтар бойынша көбейтілді. Сонымен қатар биыл үшінші жыл қатарынан колледж абитуриенттерді жұмысқа орналастыру міндеттемесімен кәсіпорындардың өтінімдері бойынша қабылдайды. Бұл жыл сайын еңбек нарығының сұранысына сай мамандықтарға 10 мың студентті қабылдауға мүмкіндік береді", - деп хабарлады министрлік өкілдері.