3,3 мың адам жұмысқа арнайы орталықтар арқылы орналасатын болады.
Үстіміздегі жылы Алматыдағы Әуезов ауданынында бес мыңға жуық жұмыс орны ашылады. Бұл туралы қала әкімі Ерболат Досаев аудар тұрғындарымен кездесу барысында айтты, деп хабарлайды Almaty-akshamy.kz.
Әкімнің айтуынша, үстіміздегі жылдың төрт айында ауданға келген инвестиция көлемі өсіп, өткен жылғы көрсеткішпен салыстырғанда 47,9% өскен. Нәтижесінде салық көлемі 53% көтерілген.
«Ауданда шағын және орта бизнес жақсы дамып келеді. Бұл ауданда 37 мыңнан астам бизнес субъекті жұмыс істейді. Қала бойынша жұмыс істейтін шағын және орта бизнес кәсіп орындардың әрбір алтыншы осы Әуезов ауданында тіркелген»,- деді Ерболат Досаев.