15 қарашада еліміздің халық саны 20 миллион болуы тиіс.
Осы болжамның айтылғанына да біраз болды.
Ұлттық статистика бюросының мәліметі бойынша, Қазақстан халқы жылдың басында 19 766 807 болса, қыркүйекте 19 944 700 адам болған, яғни 8 айдағы өсім 177 893.
Соңғы кезде айтылып, жазылып жүрген болжамға қарағанда, 15 қараша күні Қазақстанның халық саны 20 миллионға жетуі тиіс.
Еліміздің бас қаласы көшіп барған адамдардың есебінен халық саны артқан қала саналып отыр.
Ал Алматының өңірлер арасында халқы ең көп қала екенін бұдан бұрын хабарлағанбыз.
Бейресми болжамшылар 20 миллионыншы қазақстандық Астананың тұрғыны болуы әбден мүмкін және ол теңгенің туған күнін күтпей, Республика күні мерекесінде өмірге келеді деп отыр.
Сонымен, әлгі ел статистикасын жаңа цифрмен жазғызатын 20 миллионыншы қазақстандық бақытты сәби қай қалада өмірге келеді деп ойлайсыз?