2026 жылдың аяғына дейін №2 жылу электр орталығын табиғи газға көшіру, ал кейін №3 ЖЭО-ны бу-газ технологиясымен жаңғырту нәтижесінде Алматыдағы жылу көздерінен шығатын зиянды заттар 92 пайыз азаяды, - деп хабарлайды aqshamnews.kz тілшісі.
Бұл туралы бүгін қала әкімі Дархан Сатыбалды мәслихат отырысында айтты.
"Қаладағы экологиялық жағдайды жақсарту мақсатында №2 жылу электр орталығы 2026 жылдың соңына дейін толықтай табиғи газға көшіріледі. Келесі кезеңде №3 жылу электр орталығын бу-газ технологиясына көшіру арқылы қайта жаңғырту жоспарланған", - деді әкім.
Әкімдіктің мәліметінше, бұл шаралар жылу көздерінен шығатын зиянды шығарындыларды 92 пайызға дейін қысқартуға мүмкіндік береді. Сонымен қатар, жеке секторды газдандыру деңгейі қазірдің өзінде 99,6 пайызға жетіп, 2027 жылға дейін оны 100 пайызға жеткізу көзделіп отыр.