Оңтүстік Кореяда болған ұшақ апатының себебі туралы жаңа мәліметтер жарияланды. Билік өкілдерінің айтуынша, ұшқыш құстардың тобы әуе кеңістігінде байқалғанын хабарлағаннан екі минут өткен соң диспетчерлік пунктке құспен соқтығысқанын және төтенше жағдай болғанын айтты, деп хабарлайды aqshamnews.kz.
Ұшқыш оқиға орын алғаннан кейін "айналма маневр" жасайтынын, яғни бірінші қону әрекетінен бас тартып, екінші қонуға дайындалу үшін әуеде айналатынын мәлімдеген. Алайда, ол толық айналым жасамай, бір минуттан кейін ұшу-қону жолағына жақындай бастаған. Одан кейін үш минут өткенде ұшақ бетон құрылысқа соқтығысып, жарылыс болған.
Корея авиациялық қауіпсіздік қауымдастығының төрағасы Хван Хо Вон бұл оқиғаға қатысты: "Ең үлкен сұрақ - неге ұшқыш қонуға соншалықты асықты?" деген пікір білдірді.