Қазақстандық Сая Қыдырәлі халықаралық IELTS емтиханынан ең жоғары 9.0 ұпай жинап, әлемдік рекорд жаңартты. Бұл туралы аqshamnews.kz сайты хабарлайды.
Ресми деректерге сәйкес, мұндай нәтижеге тест тапсырушылардың небәрі 0,5%-ы ғана қол жеткізе алады. 17 жастағы Сая бұл жетістікке табанды еңбегінің арқасында жеткен. Ол ағылшын тілі емтиханына 11 жасынан бастап дайындалып, өз көрсеткішін 6.5-тен 9.0-ге дейін жақсартқан.
IELTS (International English Language Testing System) – әлемдегі ең беделді халықаралық ағылшын тілі тесттерінің бірі. Ол тыңдау, оқу, жазу және сөйлеу дағдыларын бағалайды. Саяның бұл көрсеткіші оның ағылшын тілін ана тілі деңгейінде меңгергенін дәлелдейді.
Жас таланттың жетістігі – Қазақстандағы білім беру жүйесінің әлеуетін көрсететін маңызды көрсеткіш. Бұл болашақта қазақ жастарының халықаралық деңгейде үлкен жетістіктерге жете алатынын дәлелдейді.