Алматыда қалың қар жауады.
Қазақстандық синоптиктер сейсенбіге арналған ауа райы болжамын айтты, деп хабарлайды Almaty-akshamy.kz.
Атмосфералық фронттарға байланысты Қазақстанның басым бөлігінде тұрақсыз ауа райы сақталады. Еліміздің солтүстігі мен шығысында қалың қар жауады.
Алматыда қалың қар жауады. 15-16 ақпанда қалада тұман түседі. Жолдарға қар жауып, көктайғақ болады. Алматы аумағына іргелес тауларда да қар жауады деп күтіліп отыр.
«Алматы облысының солтүстігінде және таулы аудандарында жаяу бұрқасын көтеріледі. Облыстың солтүстігінде, оңтүстігінде, шығысында тұман, көктайғақ, жолдарда қарлы қатқақ, облыстың солтүстігінде және шығысында желдің екпіні - 15-20 м/с», - делінген «Қазгидромет» синоптиктерінің хабарламасында.