Бұл күн 2005 жылдан бері тойланып келеді, - деп хабарлайды Aqshamnews.kz
1941 жылы Қазақ КСР Халық комиссарлары кеңесінің қаулысымен Алматы киностудиясы құрылған еді.
1960 жылы киностудия атауы «Қазақфильм» болып өзгертілсе, 1984 жылы оған қазақ кинематографиясының кемеңгер қайраткері Шәкен Аймановтың есімі берілген.
Қазақ киносы күнін атап өтуді 2005 жылы Қазақстан кинематографистері одағының басшысы болған Бауыржан Нөгербеков ұсынды. Содан бері 12 қыркүйекте «Қазақ киносының күні» жыл сайын аталып өтіледі.
Қазақ киносы – халқымыздың рухани айнасы, ұлттық құндылықтарымызды әлемге танытатын мәдениетіміздің биік шыңы. 1938 жылы алғашқы толықметражды «Амангелді» фильмінен бастау алған ұлттық кинематография бүгінде әлемдік аренада өз орнын тауып отыр.