Қаңтардың 11-жұлдызы - Халықаралық рақмет айту күні.
Жыл өткен сайын бұл күнді атап өтетін елдер қатары көбейіп келеді. Бұл күні жастар байқаулар мен флешмобтарға қатысып, плакаттарға «рақмет» сөзін әр тілде жазып, бір-біріне сыйлық ұсынып, алғыс айтуды да ұмытпайды, деп хабарлайды Almaty-akshamy.kz.
Бұл алғыс пен рақметті тек бір күн ғана айту керек дегенді білдірмейді, бар болғаны адамдардың бір-біріне алғысы, ризашылығы азаймаса, ұмытылмаса деген ниеттен туындаған болар.
Алғыс айту - әдептіліктің әдемі көрінісі. Психологтар да «рақмет» сөзіне ерекше мән береді. Ол шын жүректен айтылса, адамды шаттыққа бөлеп, жан тыныштығын сыйлайды.
«Рақмет» сөзі алғаш рет сөздікке 1586 жылы Францияда енгізіліпті. Содан бері үш ғасыр өтсе де, «рақмет» сөзі адамдардың бір-біріне деген сыйластығын білдіретін әдеп нормасы саналады.