Біріккен Ұлттар ұйымының шешімімен 11 ақпан күні Ғылымдағы әйелдер мен қыз балалардың халықаралық күні ретінде аталып өтіледі. Бұл күн әйелдер мен қыздардың ғылымға толық және тең қол жеткізуін қамтамасыз ету, олардың құқықтары мен мүмкіндіктерін қорғау, сондай-ақ ғалым әйелдерді қолдау және олардың ғылыми-зерттеу қызметіне белсенді қатысуын ынталандыру мақсатында белгіленген, деп хабарлайды aqshamnews.kz
Соңғы 15 жылда бүкіл әлемде нәзік жандыларды ғылымға тарту мақсатында көптеген шаралар жүзеге асырылуда. Әлем бойынша ғалым әйелдердің үлесі 30%-ды құрайды. Қазақстанда да соңғы уақытта ғалым әйелдер саны артқан. Ұлттық статистика бюросының мәліметтері бойынша, Қазақстанда ғылыми-зерттеу және тәжірибелік-конструкторлық жұмыстармен айналысатын әйел ғалымдардың үлесі 54%-ды құрайды.
Әйелдердің ғылымдағы жетістіктері:
- Фрэнсис Арнольд – химия саласының маманы, 2018 жылы Нобель сыйлығын алды.
- Донна Стрикленд – лазерлік физика және оптика саласындағы канадалық ғалым, 2018 жылы Нобель сыйлығының лауреаты.
- Джейн Гудолл – ағылшын приматологы, антропологы, БҰҰ-ның Бейбітшілік елшісі, шимпанзелерді зерттеудің жетекші сарапшысы.
ЮНЕСКО мәліметтері бойынша, әлемде зерттеушілердің 30%-ы әйелдер болып табылады. Алайда, әйелдер әлі де ғылымда гендерлік кедергілермен кездесуде. Әйелдердің ғылымдағы жетістіктері мен үлесі қоғамның дамуына зор ықпал етеді.