Италиялық аяқ киім фабрикасының басшысы Летиция Галли 105 жасын жұмыс орнында атап өтті. Компания ұжымы оған арнап шағын мереке ұйымдастырып, желіде видеосын жариялады, - деп хабарлайды тілшісі aqshamnews.kz "Доктор Питерге" сілтеме жасап.
Летицияның әріптестері тортпен оның кабинетіне кіргенде, ол үстелінде құжаттармен жұмыс істеп отырғаны көрінеді.
Летиция Галлидің өмірі 1926 жылы әкесі негізін қалаған компаниямен тығыз байланысты. 1939 жылы әкесі қайтыс болғаннан кейін 19 жастағы Летиция фабриканы басқаруды өз мойнына алды. Соғыс уақытындағы қиындықтарға қарамастан, компанияны сақтап қана қоймай, нығайта білді. 2005 жылы басқару отбасының үшінші буынына берілсе де, Летиция әлі де белсенді жұмыс істеп келеді.
Өзі ұзақ ғұмыр иесі болса да, "жасым зейнетке шығуға себеп емес" дейді. Ол қоғамға керек екенін сезініп, еңбек етуді жалғастыруға тырысады.
Желі қолданушылары оның өмірсүйгіш мінезі мен энергиясына тәнті болды.
Мамандар белсенді ұзақ өмір сүруді сүйікті ісіне адал болумен байланыстырады. Әріптестердің құрметі, бірге өткізген мерекелер, бір шыныаяқ шай басындағы әңгіме - күшті антистресс факторлар. Әлеуметтік белсенділік депрессия, үрей және жүрек-қан тамыр ауруларының қаупін төмендетеді.