Петропавл зауытының бұрынғы директоры және атқарушы директоры ұзақ мерзімге сотталды, деп хабарлайды almaty-akshamy.kz ҚР ҚМА Баспасөз қызметіне сілтеме жасап
Бұл іске Петропавл ауыр машина жасау зауытының басшылары және мемлекеттік қорғаныс тапсырысы аясында қозғалтқыштар мен гироблоктарды жеткізген жеке кәсіпкер де қатысы бар.
2022 жылы зауыт Қорғаныс министрлігінен әскери техниканы жөндеуге тапсырыс алған. Бұл тапсырысты орындау кезінде жеке кәсіпкермен жалпы сомасы 283,3 млн теңгеге қосалқы бөлшектер жеткізу туралы шарт жасалды.
Зауыттың бұрынғы бас директоры мен атқарушы директор кәсіпкерден 100 мың АҚШ доллары көлемінде пара алған. Бас директорға 11 жыл, ал атқарушы директорға төрт жыл бас бостандығынан айыру жазасы тағайындалды.
Сонымен қатар, мемлекет кірісіне пара сомасына сатып алынған 40 млн теңгеге тұратын пәтер тәркіленді. Қалған 5 млн теңге сотталғандардан тең үлестермен өндірілді.