Қазақстанның 10 облысында 16 ақпанда дауылды ескерту жарияланды, деп хабарлайды aqshamnews.kz.
Түнде Атырау облысының батысында, солтүстігінде, оңтүстігінде жауын-шашынды болады (негізінен қар). Облыстың батысында, солтүстігінде, оңтүстігінде көктайғақ.
Жамбыл облысының таулы аудандарында түнде қар, боран, күндіз облыстың оңтүстігінде жауын-шашын (жаңбыр, қар), көктайғақ, облыстың таулы аудандарында қар, боран болады деп болжанып отыр. Жел солтүстік-батыстан солтүстік-шығысқа ауысады, облыстың таулы аймақтарында жел екпіні 15-20 м/с жетпек.
Батыс Қазақстан облысында жауын-шашын (негізінен қар), көктайғақ, боран соғады. Оңтүстік-батыста жел екпіні секундына 15-20 метр.
Түнде батыста, шығыста, Қарағанды облысының орталығында қар, боран, күндіз облыстың батысында аздаған қар, боран болады. Жол көктайғақ болады.
Таңертең және түстен кейін Қостанай облысының батысында, солтүстігінде қар, боран, көктайғақ болады. Облыстың шығысын, оңтүстігін тұман басады. Жел оңтүстік-батыс, күндіз облыстың батысында, солтүстігінде, шығысында екпіні секундына 15-20 метр.
Қызылорда облысының солтүстігінде, шығысында, орталығында тұманды болады.
Маңғыстау облысының солтүстігі мен батысында тұман түседі. Жел екпіні оңтүстік-шығыс, батыста, облыстың орталығында 15-20 метр.
Солтүстік Қазақстан облысының батысында, солтүстігінде, шығысында қар, боран, күндіз көктайғақ болады. Облыстың батысында, солтүстігінде, шығысында тұман түседі. Жел оңтүстік-батыста, облыстың батысында, солтүстігінде, шығысында күндіз екпіні 23-28 метр.
Таңертең және түстен кейін Түркістан облысының батысында, оңтүстігінде, таулы және тау бөктерінде жауын-шашын (жаңбыр, қар), көктайғақ, тұман болады.
Түнде Ұлытау облысының солтүстігінде аздаған қар, жаяу боран болады деп болжанып отыр. Күндіз жолда көктайғақ болады.