Көрінбейтін майданның жауынгерлері
Бүгін - Радиоэлектронды күрес әскерлері мамандарының кәсіби мерекесі, деп хабарлайды aqshamnews.kz Қорғаныс министрлігіне сілтеме жасап.
Жергілікті соғыстар мен қарулы қақтығыстардың тәжірибесі көрсеткендей, Радиоэлектронды күрес күштері мен құралдарын қолдану әскерлердің жауынгерлік әлеуетін арттырып, жеке құрам мен жауынгерлік техниканы жоғалтуды азайтады.
Радиоэлектрондық күрес те әскерлердің кез келген басқа қызметі сияқты үнемі дамып келеді. Оны жетілдіру радиоэлектронды күресті ұйымдастырудың және жоспарлаудың жаңа тәсілдері мен әдістерін табудан тұрады. Сонымен бірге жаңа барлау құралдарының техникалық мүмкіндіктерін тексеру және кедергі жасау, электронды қорғаудың және қарсыластың барлау құралдарына қарсы тұрудың тиімді әдістерін пысықтау үлкен маңызға ие.
Бұл кәсіп арнайы міндеттерді шешу үшін заманауи технологияларды, аналитикалық қабілеттерді және жоғары интеллектті жақсы меңгеру қажет. Сондықтан РЭК бөлімшелері элиталық деп танылады.
РЭК мамандарын даярлау Алматыдағы Радиоэлектроника және байланыс әскери-инженерлік институтында жүзеге асырылады. Оның түлектері радиоэлектрондық жағдайды жедел бағалауға, қажетті есептеулер жүргізуге, сондай-ақ заманауи құралдар мен кешендерді шебер пайдалануға қабілетті.
Ақпараттық соғыстардың мемлекеттің тұрақтылығы мен қауіпсіздігіне деструктивті әсерінің артуына байланысты ҚР Қарулы күштеріндегі радиоэлектрондық күрес әскерлерінің рөлі де артып келеді.
Ешкім радиоэлектрондық күрес жарияламайды, бірақ ешқашан тоқтамайды. Ол кеңістік пен уақыт шекараларын білмейді. Сондықтан бұл сала маманы үшін секунд сайынғы қырағылық маңызды болып табылады.