Ұлттық банк төрағасы Тимур Сүлейменовтің мәлімдеуінше, Қазақстанда енді екі номиналдағы монеталар шығарылмайды, деп хабарлайды aqshamnews.kz
Ұлттық банк басшысы бұл шешім мұндай ұсақ номиналды монеталарды шығару шығындарының орынсыздығына байланысты қабылданғанын түсіндірді.
"Біз оны (1 теңгені – еск.) басып шығарудың орынсыз екеніне келісеміз, сондықтан базалық жоспарымыз мынадай: айналымда бар монета айналымда қала береді, бірақ жаңасын шығару жоспарда жоқ. 2 теңгелікке де қатысты осылай", – деді Сүлейменов Сенат кулуарында.
Ол айналымда жүрген монеталардың айналымнан алынбайтынын, бірақ жаңаларын шығаруға қаражат бөлінбейтінін атап өтті.
"Айналымда жүрген – қалтада, басқа жерде жүрген монеталар – түсінікті, оларды айналымнан алмаймыз. Бірақ жаңасын жасауға ақша жұмсамаймыз", – деп қорытындылады Ұлттық банк басшысы.