"Қазгидромет" РМК 8 қазанға арналған ауа райы болжамын ұсынды, - деп хабарлайды aqshamnews.kz тілшісі.
Синоптиктердің айтуынша, бүгін республиканың шығыс өңірлерінде жауын жауады. Атмосфералық фронталь бөліктердің әсерінен бұл аумақтарға жаңбыр жауып, қар түседі.
Антициклон жотасының әсерінен еліміздің өзге өңірлерінде ауа райы тұрақты болады.
Республиканың оңтүстік-батысында, оңтүстігінде, оңтүстік шығысында жел күшейеді. Шаңды дауыл тұрып, батыс пен солтүстікте және шығыста түнгі және таңғы уақыттарда тұман болады.
Алматы мен Жетісу облысында 1-6 градус аяз болып, Жамбыл облысының таулы аудандарында 1-3 градус үсік жүреді.