20 сәуір мен 20 маусым аралығында республика көлемінде "Зорлық-зомбылықсыз Қазақстан" атты кең ауқымды челлендж-флешмоб түріндегі акция өтіп жатыр, - деп хабарлайды aqshamnews.kz.
Оның мақсаты – қоғам назарын отбасылық-тұрмыстық зорлық-зомбылық мәселесіне аудару, отбасындағы өзара сыйластық пен қолдауды насихаттау және ішкі істер органдарына деген қоғамдық сенімді нығайту.
Зорлық-зомбылықсыз Қазақстан — бүкіл елді қамтитын акция.
Осы бастама аясында Түрксіб ауданы полиция басқармасының тұрмыстық зорлық-зомбылыққа қарсы бөлімшесінің инспекторлары “Жан-Сая” және “Максат” дағдарыс орталықтарына барды.
Полиция қызметкерлері орталықта қызмет алушылармен кездесу өткізіп, қажет болған жағдайда көмекке жүгіну мүмкіндігі туралы еске салды, сонымен қатар уақытылы әрекет етудің және қолдаудың маңыздылығын атап өтті.
Жергілікті полиция қызметі бөлімінің басшылығы атынан аналар мен балаларға жемістер, тәттілер және басқа да сыйлықтар табысталды.