Құжат балалардың эмоциялық, когнитивтік және мінез-құлқындағы салдарларды еңсеруге бағытталған.
Балалар мен олардың ата-анасына психологиялық көмек көрсету бойынша әдістемелік ұсынымдар әзірленді, деп хабарлайды Almaty-akshamy.kz
Оқу-ағарту министрлігінің мәліметінше, бағдарламаның мақсаты – зорлық-зомбылыққа, қатыгездікке, буллингке ұшыраған, сондай-ақ қылмысқа куә болған балаларға кешенді көмек көрсету.
Аталмыш бастама балаларға көмек көрсету алгоритмін және кәмелетке толмаған балалардың қажеттіліктерін бағалау негізінде медициналық, психологиялық, педагогикалық, әлеуметтік және құқықтық көмек көрсету түрлерінің кешенін қамтиды. Сондай-ақ бағдарлама шеңберінде балалар мен олардың ата-аналарына психологиялық көмек көрсету бойынша бірыңғай әдістемелік ұсынымдар әзірленді.
«Әрбір бала зорлық-зомбылықтан қорғалуға тиіс. Осы бастаманың қабылдануы – мемлекет пен қоғамның бала құқығын қорғау және әрбір баланың қауіпсіз балалық шағын қамтамасыз етудегі міндеттемесінің көрінісі. Бұл бағдарлама – балаларға зардап салдарымен күресу және психологиялық тұрғыда қолдау жүйесін құрудағы маңызды қадам», - деді Балалардың құқығын қорғау комитеті төрағасының орынбасары Юлия Овечкина.
Көмек көрсету облыстық деңгейде психологиялық қолдау орталықтарының, аудандық деңгейде білім бөлімдерінің базасында іске асырылады.