Жобаның жекелеген модельдері ауылдық жерлерде де сынақтан өткен, деп хабарлайды aqshamnews.kz тілшісі.
Бүгінде ECO Network ел бойынша өз өнімдерін 100 мыңнан астам адам пайдаланады деп мәлімдейді. Алдағы уақытта команда бұл көрсеткішті айтарлықтай арттыруды жоспарлап отыр.
Жобаның негізін қалаушы Евгений Мұхамеджанов келесі кезең апробациядан өткен шешімді ауқымды түрде енгізу болуы тиіс деп санайды.
«Біздің өнімдерімізді бүгінде ел бойынша күн сайын 100 мыңнан астам адам пайдаланады. Бұл – ең маңызды нәрсені түсінетін адамдар: жағдайды тек өзіміз ғана түзете аламыз. Егер мемлекетпен бірлескен жоспарымыз жүзеге асса, бір жылдан кейін 1 миллион адамға дейін жетуіміз мүмкін, ал екі-үш жылдан кейін еліміздің бүкіл халқын қамтуға болады», – деді Евгений Мұхамеджанов.
Оның айтуынша, жобаның жекелеген модельдері ауылдық жерлерде де сынақтан өткен. Атап айтқанда, Түркістан облысы Созақ ауданындағы бес мектепте экологиялық бастамалар жүзеге асырылды.
Тағы бір бағыт – экологиялық белсенділікті цифрландыру. ECO Network цифрлық құралдар тұрғындарды тартумен қатар, азаматтардың, ұйымдар мен білім беру мекемелерінің экологиялық жобаларға нақты қатысу деңгейін өлшеуге мүмкіндік береді деп есептейді.
«Біздің қолымызда қажетті жобаларды енгізудің әдістемесі мен тәжірибесі бар. Бүкіл базамыз жеке бизнеспен бірлесіп пысықталды, сондықтан мемлекеттік қаражат есебінен эксперимент жүргізудің қажеті жоқ», – деді ECO Network негізін қалаушы.