Thousand IT Company компаниясының CPO және Product Lead маманы, Aqyl Battle жобасының CEO-сы, PhD докторанты Айболат Құлатай жаңа конституцияның күшіне енуі ел дамуының маңызды кезеңі екенін және қоғам алдында тұрған сын-қатерді ескеретінін атап өтті, – деп хабарлайды aqshamnews.kz тілшісі.
Оның айтуынша, соңғы онжылдықтарда Қазақстан мен әлем түбегейлі өзгерді. Соған сәйкес құқықтық реттеу мен азаматтарды қорғауды қажет ететін жаңа салалар пайда болды.
«1995 жылы интернет пен мобильді технологиялар енді ғана дами бастаса, қазір мемлекет азаматтарды тек нақты өмірде ғана емес, цифрлық кеңістікте де қорғауы тиіс. Киберқауіпсіздік, дербес деректерді қорғау мен интернет-алаяқтыққа қарсы іс-қимыл өзекті болып отыр», – деді Айболат Құлатай.
Сондай-ақ ол жаңа конституцияда ғылымды, инновацияларды, зияткерлік меншікті дамытуға, технологиялар мен ғылыми зерттеулер саласында еңбек ететін жастарды қолдауға ерекше мән берілгенін айтты.