Қоғам белсендісі Мейіржан Келемеденов жаңа конституция қоғамдық талқылаудың арқасында дүниеге келгенін, онда елдің барлық өңіріндегі азаматтардың ұсынысы ескерілгенін айтады, – деп хабарлайды aqshamnews.kz тілшісі.
Оның айтуынша, құжатта білім беру, ғылым, технологиялар мен жастардың бастамасын дамыту мәселесі өз көрінісін тауыпты.
«Жастар қазір өз жобасын жүзеге асыруға, ғылыми және шығармашылық әлеуетін дамытуға, сондай-ақ елдің қоғамдық өміріне белсенді араласуға қосымша мүмкіндік алып отыр», – дейді Мейіржан Келемеденов.
Сондай-ақ ол «Заң және тәртіп» қағидаты мен «Таза Қазақстан» бастамасы аясындағы экологиялық мәдениетті дамытудың конституцияда көрініс тапқанын қолдап-қоштайтынын атап өтті.