Жаркентте автотұрақта тұрған көліктердің бірінде тыр жалаңаш отырған екі ер адамның видеосы әлеуметтік желіде тарады. Полиция олардың ішкі істер органдарына қатысы жоқ екенін мәлімдеді, – деп хабарлайды aqshamnews.kz тілшісі.
Жаркентте автотұрақтағы көліктердің бірінде тыр жалаңаш отырған екі ер адамның видеосы желіде тарап, көптің талқысына түсті.
Жазбаны жергілікті пабликтер жариялаған. Әлеуметтік желі қолданушылары видеоға қатысты түрлі пікір білдіріп, кейбірі кадрдағы адамдардың полиция қызметкерлері болуы мүмкін деген болжам айтқан.
Алайда Полиция департаменті бұл ақпаратты жоққа шығарды.
Ведомство мәліметінше, тараған бейнематериалда қоғамдық тәртіпті бұзу деректері анықталмаған. Сондай-ақ полицияға осы оқиғаға байланысты ешқандай арыз-шағым түспеген.
«Бейнеде көрініс тапқан тұлғалардың ішкі істер органдарына қатысы жоқ», – деп хабарлады полиция.