9 сәуір күні сағат 19:00-де ARTE галереясында Қазақстан Республикасының Еңбек сіңірген қайраткері Зарина Алтынбаева ұсынатын мәдени музыкалық жоба – «Жер-Ана тынысы» альбомының тұсаукесері өтті, – деп хабарлайды aqshamnews.kz тілшісі.
Бұл кеш – тек музыкалық презентация ғана емес, сонымен қатар қазақ руханиятының түрлі дәуірлерін, ұлттық жады мен тарихи музыкалық мұраны жаңғыртатын маңызды мәдени оқиға. «Жер-Ана тынысы» жобасы арқылы тыңдарман қазақ даласының әуезін, уақытпен үндескен ұлттың рухани болмысын жаңа қырынан сезінеді.
Кеш бағдарламасы мазмұнға бай әрі көпқырлы болды:
— «Көркем қыз» (Т. Жармуқамет) — MAVRIDIS, халық аспаптары (Айгерім және Жалғасбек), хор
— «Майра» (қазақ халық әні, Hu Yanjang өңдеуі) — Лаура
— «Ақ Шолпан» (Жамал Омарова репертуарынан, А. Өтелеу және И. Башкатов өңдеуі) — MAVRIDIS, Жалғасбек (бубен), хор
— «Қалқатай» (қазақ халық әні, А. Өтелеу және И. Башкатов өңдеуі) — MAVRIDIS, Жалғасбек (бубен)
— «Түркі аманаты» (Т. Жармуқамет, «Тоныкөктің толғауы» сөздері) — поэзия Тұңғышбай Жаманқұлов, MAVRIDIS, халық аспаптары
— «Sənə də Qalmaz» (Тофик Гулиев)
— «Мухаббат» (Зиядулло Шахиди)
— Әзербайжан әні Hamıdan gözəl / Qızmar günəş — MAVRIDIS, Жалғасбек (дарбука), хор
— Өзбек халық әні Do’ppi Tikdim (М. Бурханов, Т. Тула) — MAVRIDIS, Жалғасбек (дарбука), хор
— «Іңкәр сезім» (Т. Жармуқамет, А. Маемиров) — MAVRIDIS
— «Ахау, керім» (қазақ халық әні, И. Башкатов өңдеуі) — хордың қатысуымен
Альбомға архивтік материалдар негізінде қайта жаңғыртылған көне қазақ халық әндері, ұлттық классиканың таңдаулы туындылары, сондай-ақ қазіргі заман композиторларының шығармалары енгізілген. Бұл жинақ – қазақ музыка мәдениетінің түрлі тарихи кезеңдерін бір кеңістікте тоғыстырып, дәстүр мен жаңашылдықты үйлестіретін көркем синтез.
«Жер-Ана тынысы» – ұлттың жадын музыка тілі арқылы жеткізетін рухани жоба. Әрбір шығарма – уақыт пен кеңістікті жалғаған үн, әрбір әуен – қазақ мәдениетінің терең тамырына жол.
Бұл кеш жай ғана музыкалық таныстырылым емес, ұлттық жады мен руханиятты жаңғыртқан, өткен мен бүгінді тоғыстырған ауқымды мәдени оқиғаға айналды. Көрермендер қазақ даласының үні мен заманауи музыкалық ойлаудың үйлесімін сезініп, ерекше әсер алды.