Іс-шараға 150 студент қатысты, деп хабарлайды aqshamnews.kz тілшісі.
«Заң мен Тәртіп» әлеуметтік жобасын іске асыру аясында Алматы қаласы Ішкі саясат басқармасының Қоғамдық даму орталығы Алматы гуманитарлық-экономикалық университетінде студент жастардың құқықтық сауаттылығын арттыруға бағытталған кездесу ұйымдастырды.
Іс-шараға 150 студент қатысып, заң талаптарын сақтау, құқықтық мәдениетті қалыптастыру және азаматтық жауапкершілікті арттыру мәселелері бойынша ақпарат берілді.
Кездесу барысында Әл-Фараби атындағы Қазақ ұлттық университетінің заң ғылымдарының магистрі, аға оқытушысы Алихан Қанат Насырұлы және Алматы қаласы Полиция департаменті Әуезов аудандық полиция басқармасы криминалдық полиция бөлімінің жедел уәкілі, полиция капитаны Ибрагим Шыңғысхан Тыныштықұлы баяндама жасады.
Спикерлер құқықтық нормаларды сақтау, құқық бұзушылықтардың алдын алу және заң алдындағы жауапкершілік мәселелеріне тоқталды. Сонымен қатар студенттерге құқықтық сипаттағы өзекті сұрақтар бойынша түсіндірмелер берілді.
Іс-шара жастардың құқықтық білімін жетілдіруге және заң талаптарын құрметтеу қағидаттарын нығайтуға бағытталды.