Қазақстанда қоғамдық қауіпсіздікті қамтамасыз ету бағытындағы жүйелі шаралар оң нәтижесін беруде. Мемлекет басшысы Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауын және басқа да тапсырмаларын орындау шеңберінде Ішкі істер министрлігі қылмысқа қарсы күресті күшейтіп, қауіпсіз қала және ауылдық ортаны қалыптастыруға күш салып отыр.
Қазіргі таңда күн сайын 14 мыңнан астам полиция қызметкері мен Ұлттық ұланның әскери қызметшілері қоғамдық тәртіпті қадағалайды. Ел бойынша 15 мыңнан астам патрульдеу маршруттары әзірленіп, барлық проблемалық аймақтар қамтылды. Бұл қылмыстардың алдын алуға және құқық бұзушылықтардың қайталануын азайтуға мүмкіндік берді.
-
Биыл қоғамдық орындар мен көшелерде құқық бұзушылықтар саны азайды.
-
Бұрын сотталғандар тарапынан жасалатын қылмыстар төмендеді.
-
Полиция қызметкерлері 10 мыңнан астам қылмысты ашты,
-
Сондай-ақ 10 миллионға жуық әкімшілік құқық бұзушылықтың жолы кесілді.
Ішкі істер министрі Ержан Сәденовтың айтуынша, қабылданған шаралар арқасында елдегі қылмыстар саны 13%-ға қысқарған, бұл өткен жылмен салыстырғанда 9 мың қылмысқа аз деген сөз.
— «Біздің жұмыстың негізі – "Заң және тәртіп" қағидаты. Алдын алу шараларының нәтижесінде кісі өлтіру, қарақшылық, тонау, бұзақылық, ұрлық және мал ұрлығы сияқты ауыр қылмыстар азайды. Бұрын сотталғандар жасайтын қылмыстардың, сондай-ақ қарумен жасалатын құқық бұзушылықтардың саны төмендеді. Сонымен қатар қылмыстардың ашылу көрсеткіші жақсарды», — деді министр.
Жалпы, қылмыс деңгейінің төмендеуі құқық қорғау органдарының үйлесімді жұмысының нәтижесі болып отыр. Бұл азаматтардың қауіпсіздігін қамтамасыз етуге, қоғамда заңға деген сенімді арттыруға және «Әділетті Қазақстан» құруға бағытталған нақты қадамдардың бірі саналады.