Қазақстандықтар жиі демалатын көршілес Қырғыз елі Ыстықкөл көлі жағасында биылдан бастап полиэтилен мен пластик қолдануға айыппұлдар енгізілгенін ескеру қажет. Бұл жаңалықты білген туристер үшін жағымсыз жаңалық болуы мүмкін. Себебі Ыстықкөл жағалауы көбіне пластик пакеттер мен ыдыстарға толып кететін. Әсіресе, демалушылар жағажайда жүгері, құлпынай немесе шиені сатып алғанда, көбіне пластик ыдыстармен беріледі. Ал олар кейін қоқысқа тасталады. Бұл қоршаған ортаға айтарлықтай зиян келтіріп, жағалаудағы тазалықты бұзады, деп хабарлайды aqshamnews.kz
Енді, Ыстықкөлдің курорттық аймағында қазірден бастап пластик және полиэтилен өнімдерін қолдану үшін айыппұл салынатын болады. Қырғызстан үкіметі курорттық аймақта пластик пен полиэтиленнің қолданылуына қарсы жаңа шаралар енгізіп, айыппұл сомаларын да бекітті. Демек, енді пластик пакеттер мен ыдыстарды қолдану туристерге немесе кәсіпкерлерге айтарлықтай қаржылық шығындарға әкелуі мүмкін.
Бұл шара экологиялық жағдайды жақсарту және Ыстықкөлдің табиғи байлығын қорғау мақсатында қабылданған. Сондықтан, Қазақстаннан барған туристерге пластиктен аулақ болу және экологиялық таза өнімдер қолдану ұсынылады.