Еңбек және халықты әлеуметтік қорғау вице-министрі Асқарбек Ертаев отбасының бір айлық шығындарын жариялады, деп хабарлайды aqshamnews.kz
Қазақстанда орташа айлықтың көлемі 400 мыңнан асады. Вице-министрдің айтуынша, дәл осы ақша бір адамның тамағына және тағы қажетті шығындарына жетуі керек.
"Менің отбасым алты адамнан тұрады. Төрт балам бар, екеуі ержетті. Олар жұмыс істейді. Екеуі менің асырауымда. Жұбайым жұмыс істемейді. Себебі кіші ұлым әлі балабақшаға барып жүр. Бәрімізге бір айда 500-600 мың теңге кетеді. Соның ішінде азық-түлік, балабақша мен үйірме шығындары бар. Қызым үйірмеге барып жүр", - деді Ертаев сенатта өткен брифингте.
Вице-министр өз жалақысын айтқан жоқ. Себебі "ондай ақпаратқа ашық жариялау жағынан шектеу бар".
Айта кетері, Қазақстанда орташа жалақы 2028 жылға қарай 605 000 теңгеге дейін өседі.