Отандық кинокартиналар бәсекелестікке қабілетті.
Келіп түскен көптеген өтініштер бойынша VI Baiqonyr International Short Film Festival ұлттық конкурсқа өтінімдерді қабылдау мерзімін 15 тамызға дейін ұзартты, деп хабарлайды Almaty-akshamy.kz. Вrod.kz сайтына сілтеме жасап.
Шараға қатысушыларға уақыттың ұзартылуы сұраныс бойынша қарастырылған көрінеді.
Айта кетейік, VI Baiqonyr International Short Film Festival фестиваліне қатысуға өтінімдер қабылдау 17 мамырдан басталған болатын. Фестиваль Алматы қаласында 8-12 қыркүйек аралығында өтеді.
BISFF 2 бағдарламадан тұрады:
- Негізгі конкурс (ойын және деректі халықаралық қысқаметражды кино)
- Ұлттық конкурс (ойын, деректі, анимациялық қысқаметражды кино)
Аталған конкурсқа қатысуға 2020-2021 жылдары қазақстандық режиссерлер және отандық продюсерлер түсірген туындылар қатыса алады. Сонымен қатар техникалық жағынан кинотеатрда көрсетуге жарамды ұзақтығы 30 минутқа дейінгі қысқаметражды ойын, деректі, анимациялық фильмдер шақырылады.