Жамбыл облысында ҰҚК Шекара қызметі ірі көлемдегі темекі партиясын заңсыз өткізбек болған әрекетті тоқтатты, деп хабарлайды Aqshamnews.kz тілшісі.
ҰҚК мәліметінше, 12 қыркүйекте жүк пойызын тексеру кезінде 890 980 қорап акциздік маркасыз темекі табылған.
"Темекі өнімдерін мемлекеттік шекара арқылы құрылыс материалдары ретінде көрсетіп, ешқандай құжатсыз алып өтпек болған. Алдын ала есеп бойынша, тәркіленген тауардың құны 600 миллион теңгеден асады", - делінген хабарламада.
Қазір жүк тиелген вагон бөлек қойылып, процессуалдық шаралар жүргізіліп жатыр.