Футболдан 2024 жылғы Еуропа чемпионатына іріктеу сатысының алтыншы туры мәресіне жетті, деп хабарлайды Almaty-akshamy.kz.
Бұл күнгі ойындар арасында жанкүйерлерді C тобындағы Италия мен Украина кездесуі ерекше қызықтырды.
Италия футболшылары кейінгі жылдарда сәтсіз ойын көрсетіп келеді. Салдарынан өткен жылы әлем чемпионатының финалдық сатысынан тыс қалды. Сол олқылықтың орнын биыл толтыруға тырысатыны анық.
Италиялықтар Еуропа чемпионатына іріктеу сатысында да сәтті ойын көрсете алмай келеді. Алғашқы үш турда небәрі бір мәрте жеңіске жетсе, біреуінде тең түсіп, біреуінде қарсыласына есе жіберіп қойды.
Сондықтан бүгінгі ойында олар жеңіске жетуге бар күшін салды. Ойынның 21, 29-минуттарында италиялық Давиде Фраттези екі голдың авторы атанды. Оған 42-минутта Андрей Ярмоленко бір голмен жауап қайырды. Есеп - 2:0.
Аталған топтағы Мальта өз алаңында Солтүстік Македонияға 0:2 есебімен жол берді.
Сондай-ақ А тобында Норвегия Грузияны 2:1, Испания Кипрді 6:0 есебімен тізе бүктірді.
Ал F тобында Бельгия Эстонияны 5:0 есебімен жеңсе, Швеция Австриядан 1:3 есебімен жеңілді.
I тобында Швейцария Андоррадан 3:0, Израиль Беларусьтен 1:0 есебімен басым түсті.
Еске салсақ, бұдан бұрын Португалия Люксембургті 9:0 есебімен жеңгенін жазған болатынбыз.