Бес емтиханның орнына үш емтихан тапсырады.
Қазақстан азаматы емес, бірақ ұлты қазақ адамдар үшін Қазақстан ЖОО-на түсуге биылдан бастап талаптар жеңілдетілді,-деп хабарлайды Almaty-akshamy.kz
Біріншіден, Қазақстан Республикасының азаматы емес ұлты қазақ адамдар үшін ҰБТ тапсырған кезде шектік балл болмайды.
Екіншіден, бес емтиханның орнына үш емтихан тапсырады (оқу сауаттылығы және таңдаған бағыт бойынша екі бейіндік пәннен).
Үшіншіден, төрт жоғарғы оқу орнын және білім беру бағдарламасын таңдауға мүмкіндік сақталып қалды.
Төртіншіден, қазақ тілін толық меңгермен азаматтарға орыс тілінде тапсыруға мүмкіндік сақталды.
Құрметті, қандас талапкерлер!
«13 шілдеден бастап мемлекеттік білім грантын алуға құжаттар қабылдау басталды. Оған талапкерлерден 13-20 шілде аралығында мемлекеттік білім гранттарын тағайындау конкурсына қатысу үшін құжаттар қабылданып жатыр. Су тасқыны болған аймақтың (Ақмола, Ақтөбе, Атырау, БҚО, Қостанай, СҚО) талапкерлері үшін 13-24 шілде аралығында қабылданады. Кез келген талапкер Қазақстанның барлық жоғары оқу орнына құжаттарын тапсыра алады және ол онлайн түрінде де жүзеге асырылуда. Мемлекеттік білім беру гранттарын тағайындау ҚР Ғылым және жоғары білім министрлігінің құрған комиссиясының шешімімен белгілі болады», -делінген хабарламада.