2025 жылдың 1 қаңтарынан бастап, Қазақстанда санитарлық кітапшаларды беру, есепке алу және жүргізу электронды форматқа көшіріледі, деп хабарлайды aqshamnews.kz
Бұл азаматтарға құжатты бірнеше ұйымға оңай ұсынуға мүмкіндік береді, осылайша уақыт пен қаражат үнемделеді. Бүгінде елде 1,6 миллионнан астам адамның санитарлық кітапшасы бар.
Сонымен қатар, басқа да маңызды медициналық құжаттар электронды форматқа ауысады:
Еңбекке жарамсыздық парағы;
075/у «Медициналық анықтама»;
026/у «ДКК қорытындысы»;
073/у «ТҚ басқаруға рұқсат беру туралы анықтама»;
069/у «Санаторий-курорттық карта»;
052-2/у «Бала денсаулығы паспорты»;
076/у «Қаруға рұқсат алу»;
038/у «Еңбекке уақытша жарамсыздық туралы анықтама».
Құжаттарды «eGov mobile» қосымшасындағы «eDensaulyq» бөлімінде, азаматтардың келісімімен, үшінші тараптарға электронды түрде ұсынуға болады. Қазіргі уақытта бұл жаңашылдықты енгізу үшін ақпараттық жүйелердің интеграциясы жүргізіліп жатыр.
Бұл өзгеріс жеке және мемлекеттік ұйымдар арасындағы құжат айналымын жеңілдетіп, денсаулық сақтау саласындағы цифрландырудың жаңа кезеңіне жол ашады.