Солтүстік Қазақстан облысы Ғ.Мүсірепов ауданында үйге орнатылған түтін датчигі өрт қаупін дер кезінде байқатып, 88 жастағы әжейдің өмірін сақтап қалды, деп хабарлайды Aqshamnews.kz тілшісі.
Оқиға Новоишимское ауылындағы жеке тұрғын үйде болған. Пеш үстінде қараусыз қалған май құйылған таба өртке себеп болуы мүмкін еді. Дәл осы сәтте екі жыл бұрын орнатылған түтін датчигі дабыл қағып, кір жуып жүрген үй иесіне қауіп туралы уақытылы хабар берген.
ҚР ТЖМ мәліметінше, оқиға орнына жедел жеткен өрт сөндіру жасағы өрттің ұлғаюына жол бермей, адамдардың өміріне қауіп төнуінің және мүлікке зиян келуінің алдын алған.