Әлеуметтік желілерде соңғы уақытта 369 қазақстандықтың Дональд Трамптың жаңа миграциялық саясатына байланысты АҚШ-тан шығарылатыны туралы ақпарат тарап, көпшіліктің арасында дүрбелең туғызды, деп хабарлайды aqshamnews.kz.
Алайда, Қазақстан Республикасының Сыртқы істер министрлігі бұл ақпаратты теріске шығарып, халықты сабырға шақырды.
СІМ өкілдерінің мәлімдеуінше, АҚШ-тағы заңсыз жүрген қазақстандықтар туралы ақпарат бір ай бұрын пайда болған. Яғни Трамп президенттік қызметке кіріспей тұрып. министрлік бұл жаңалықтың Fox News арнасында жарияланған ICE (Иммиграциялық және кеден қызметі) есебіне байланысты екендігін және оның АҚШ-тың жаңа миграциялық саясатына ешқандай қатысы жоқтығын атап өтті.
Сонымен, 369 қазақстандықтың елден шығарылатыны рас, бірақ бұл Трамптың жаңа миграциялық саясатына байланысты емес.
Жалпы, АҚШ-та 1,5 миллионға жуық адам депортацияға ұшырауы мүмкін. Олардың көбісі Гватемала, Гондурас, Мексика және Сальвадордан келген мигранттар. Әрбір ел өз азаматтарын 200-250 мың адаммен қайтаруы тиіс.