АҚШ президенті Дональд Трамп Оңтүстік Кореядан импортталатын бірқатар тауарларға салынатын кедендік баж салығын 15%-дан 25%-ға дейін өсіру туралы шешім қабылдағанын мәлімдеді, деп хабарлайды Aqshamnews.kz тілшісі.
Трамп бұл мәлімдемесін Truth Social желісіндегі парақшасында жариялаған. Оның айтуынша, Сеулдің заң шығарушы органы АҚШ-пен жасалған сауда келісімін әлі күнге дейін ратификацияламаған.
Ақпаратқа сәйкес, баж салығы автокөліктер, ағаш материалдары, фармацевтикалық өнімдер және өзге де тауарларға қатысты болуы мүмкін.
Ал Оңтүстік Корея президенті әкімшілігі АҚШ үкіметінен әзірге ресми хабарлама немесе түсіндірме алмағанын айтып, жағдайды нақтылау үшін консультациялар жүргізуге ниетті екенін жеткізді.