Президент Қасым-Жомарт Тоқаев Қазақстан Республикасының Қауіпсіздік Кеңесі Хатшысы Ғизат Нұрдәулетовке күштік құрылымдар мен салалық министрліктер басшыларымен бірлесіп, Ирандағы ахуалдың ушығуына және оның еліміздегі тұрақтылыққа ықпал етуі мүмкін қатерлеріне байланысты шұғыл шаралар жоспарын әзірлеуді тапсырды, деп хабарлайды Aqshamnews.kz тілшісі Ақордаға сілтеме жасап.
Мемлекет басшысының тапсырмасына сәйкес, барлық күштік құрылымдар тәуліктік жұмыс тәртібіне көшірілді. Үкіметте Қазақстан Республикасының Сыртқы істер министрлігі жетекшілік ететін арнайы мониторинг тобы жұмысын бастады.
Сондай-ақ өңір әкімдеріне Таяу Шығыстағы жағдайды ескере отырып, жедел шешімдер қабылдау міндеттелді.