Еліміздегі танымал жұлдыздардың тіс дәрігері, білікті маман Айгерім Аманқосқызы көпшілік тіс күтіміне аса мән бере бермейтінін айтады, деп хабарлайды aqshamnews.kz.
Бәрі ауыз қуысынан басталады. Құрттаған тістен бактерия іш құрылысына өтіп, ағзаның көптеген ауруларына әкелетінін айтып дабыл қағып отыр.
Салауатты өмір салты, ағза тазалау ең алдымен тіс профилактикасынан басталу керек екенін айтады.
Соңғы кездері пациенттер арасында тіс жұлдырған соң көп ескертпелерді сақтамағандықтан тіпті адам өлімі де орын алып жатқанын ескертеді. Бұл алдымен адамдардардың жауапкершілігі мен тіс күтіміне мән бермеуінен дейді маман.
Тіс жұлдырған соң қан кетуін қалай тоқтатамыз?
- Процедурадан соң жарақат үстіне дәкеден жасалған тампон қойылады. Ол қанды тоқтатуға көмектеседі және жарақаттанған тісдерді түрлі микробтардан қорғайды.
Тіс жұлдырған соң қандай әрекеттерді мүлде жасауға болмайды?
- Бетке жылы немесе ыстық компресс басу, күннің көзінде, ыстық бөлмеде ұзақ отыруға болмайды. Жылы жерде зиянды бактериялар тез көбейіп, асқыну процестері жылдам жүреді.
- процедурадан соң алғашқы күні жұлынған тістің орнын шаюға болмайды. Табиғи түрде жиналатын қан ұйындысын (фибриновый сгусток) қоса шайып жібермеу керек. Ол өте қауіпті.
- алғашқы күндері тіс щеткасын жарақат орнына тигізбеңіз, асқындырып алуыңыз мүмкін.
- ащы және басқа да өткір дәмдеуіштер қолдануға болмайды.
- алкоголь, никотин тұтынуды түбегейлі тоқтату керек.
- ауыр көтеруге, денеге физикалық күш түсіруге болмайды
Жұлынған тістің орны тез жазылуы үшін не істейміз?
- Жылы-жұмсақ, сұйық тамақ ішу керек.
- Хирургке барсаңыз 1-2 тігіс түсіріп береді. Бұл әрекет жарақат орнының қабынуынан сақтайды