Елімізде террорлық әрекеттердің алдын алу бағытында шаралар жиі өтіп тұрады.
Оған аймақтағы барлық білім беру саласындағы ТТО объектілердің меншік иелері, басшылары мен антитеррорлық қауіпсіздікке жауапты қызметкерлер қатысады, деп хабарлайды aqshamnews.kz.
Өйткені террорлық әрекеттердің алдын алуға қоғамның әрбір мүшесі дайын болуы қажет.
Алдымен, ТТО білім беру объектілерінің терроризмге қарсы қорғалуын ұйымдастыру, террористік қауіп туындаған жағдайдағы алғашқы әрекет ету алгоритмі пысықталып, қатысушылар назарына ҚР ТҚО штабы дайындаған оқулық бейнематериалдар ұсынылады. Алғашқы әрекет ету алгоритмінің маңыздылығымен қатар нормативтік құқықтық актілер бойынша түсіндірме жұмыстарына жан жақты тоқталады.
Сонымен қатар, ҚР Білім және ғылым министрлігінің 2022 жылғы 30 наурыздағы №117 бұйрығымен бекітілген «Қазақстан Республикасы білім беру саласындағы қызметті жүзеге асыратын террористік тұрғыдан осал объектілерінің терроризмге қарсы қорғалуын ұйымдастыру жөніндегі нұсқалығының» талаптары жеткізіледі.
Қорытындылай келе, білім беру объектілерінде терроризм актісін жасауды барынша азайтуға ықпал ету мақсатында ТТО объекті басшылары мен антитеррорлық қауіпсіздігіне жауапты қызметкерлерге нұсқаулықтың талаптарына сәйкес, барлық ұжымды қамти отырып теориялық сабақтарды тоқсанына бір рет және практикалық сабақтарды жылына бір рет ұйымдастыру қажеттілігі де еске салынды.